“O Oso Caroso” é un conto de autoría propia que narra as peripecias do primeiro oso que chega á Serra do Courel, despois da longa ausencia desta especie no territorio.
Baséase nun álbum infantil ilustrado e nunha actividade didáctica en formato contacontos musicado que se desenvolveu en diversos centros educativos.
Este proxecto agroma da necesidade de promover o coñecemento das crianzas sobre o territorio da Serra do Courel, onde conviven diferentes tipos de bosque e onde a riqueza da biodiversidade é un feito loable.
Tomar conciencia da importancia desta, así como sensibilizar na necesidade de protexer os bosques autóctonos, son algunhas das finalidades primordiais de dita proposta.
