Educación social
para os territorios rurais
Outonía s.f.: 1. Tempo do Outono. 2. Herba que nace despois de que se recolle o feo.
Outonía é un recuncho da terra afastado entre altos cumios, é a auga dos ríos limpa e fría polo desxeo das neves, Outonía é un castiñeiro centenario e unha carballeira. É ese lugar no que as aldeas son casas baleiras e o fume sae de poucas chimeneas, Outonía é un colexio pequeno, é un falar miúdo pero galego. Outonía é comunidade, rede e creatividade, é un rural vivo e cheo de oportunidades.
Outonía era a nosa utopía. Hoxe é realidade.
Qué facemos
Participación Social
- Proxectos e programas de recuperación e recollida da memoria.
- Proxectos e programas que favorecen a participación comunitaria a través do lecer, a cultura, o intercambio de saberes, etc.
Consultoría
- Investigación social, deseño de proxectos de carácter coeducativo.
- Acompañamento no proceso de solicitude de financiación para proxectos socioeducativos.
- Incorporación da mirada de xénero e ruralidade aos proxectos persoais e económicos.
- Asesoramento na estratexia pedagóxica: valor e desenvolvemento do negocio.
Intervención Comunitaria
- Dinamización de grupos, especialmente de mulleres e actividades de empoderamento.
- Proxectos e programas de carácter comunitario para tratar diferentes temáticas coma os retos ecosociais, a recuperación da memoria, visibilización das mulleres, etc.
Formación e sensibilización
- Formación para a prevención das violencias machistas.
- Escolas de familias e de responsables do acompañamento des menores (educación en igualdade, educación sexual, etc.)
- Intervención social con perspectiva de ruralidad e xénero.
- Provención de grupos e transformación de conflictos.
Gañamos moitos premios!
Das inquedanzas de tres educadoras sociais nace este proxecto. Dende as montañas do Courel, o Macizo Central e Trevinca, dende tres puntos xeograficamente distintos, nace esta meta común: a de ser quen de “vivir aquí” construíndo. Non só coma unha forma de emprego, senón coma unha forma de vida.
A cooperativa medra co fin de xestar proxectos educativos desde e para os territorios rurais, fiando realidades e propostas a través dos feminismos, a sustentabilidade rural e o respecto pola memoria e o patrimonio inmaterial das nosas comarcas.
Outonía nace coma esa primeira herba que inunda os prados de riqueza e alimento despois da sequía do verán, con forza e moita vida. Outonía tamén é tempo de outono, un tempo no que as casas labregas se enchen de provisións para pasar o inverno.
Outonía son todos os proxectos e ideas que están por vir.
Comezamos?
Apostamos por crear proxectos e intervencións educativas en territorios rurais adaptadas ás necesidades das persoas que o conforman.
Traballamos con
Aliades e amigues
As Atalaias S. Coop., Conxenia, Feitoría Verde S. Coop., Arabías S. Coop., Eduso Antirracista, 50pés S. Coop., Estela Baronne, Eva Piay, CRU Produccións, Rexenerando S. Coop., Nanoma S. Coop. Astur., Asociación Otro Tiempo, Asociación Otra Escuela ou REAS.
